شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان باس له‌وه كرد پارته‌گه‌ى وه سياسه‌تيگ راس و دروس و ئاشكرايانه خه‌بات كردگه‌و ئامانج سترايجى ده‌سنيشان كردگه‌و تا ئمڕوويش وه په‌يڕه‌ويكردن له رێباز بارزانى جوور رێگه‌ى راسى كوردايه‌تى له دروسم و كردار پێشه‌نگه.
بارزانى له په‌ياميگ وه بوونه‌ى 73يه‌مين ساڵياد دامه‌زرانن پارت ديموكرات كوردستان وت: پارتى له رووژ دامه‌زراننيه‌و له سه‌نگه‌ر نوايين وه‌رگريكردن له مافه‌يل ره‌واى ملله‌ته‌گه‌مان بويه‌و له‌وه‌ر خاتر سه‌رفرازى و ئازادى ملله‌ته‌گه‌مان شان وه‌شان هيزه‌يل تر خه‌باتكه‌ر و نيشتمانپه‌روه‌ر كوردستان قوربانى فريه‌يگ داگه.
جى باسه، پارت ديموكرات كوردستان له رووژ 16ى ئاب 1946 وه سه‌رۆكايه‌تى مه‌لا مسته‌فاى بارزانى سه‌ركرده‌ى ميژوويى جموجويل رزگاريخواز كورد دامه‌زريا، ك سه‌ره‌تا ناو حزبه‌گه"حزب ديمه‌كرات كورد"بوێ، وه‌لێ له كۆنگره‌ى سێيه‌م ك سازكريا له 16ى يه‌نايه‌ر/ كانون دويه‌م 1953 له كه‌ركوك بڕيار دريا ناوى ئاڵشت بكريه‌ێد ئه‌را " پارت ديموكرات كوردستان ".