شه‌فه‌ق نيوز/ نێچيروان بارزانى سه‌رۆك هه‌رێم كوردستان، ياد ئه‌و په‌لاماره‌يل كيمياويه كرد ك رژيم به‌عس له ساڵه‌يل هه‌يشتاى سه‌ده‌ى وه‌رين ئه‌نجامى دا ئه‌را بان ناوچه‌يليگ له كوردستان.
بارزانى له ماڵپه‌ڕ توێته‌ر وت: ئمڕوو 33يه‌مين ساڵياد ده‌سوه‌پيكردن ئه‌و په‌لاماره‌يل كيمياويه‌سه ك رژيم به‌عس ئه‌نجامى دا دژ وه هاووڵاتيه‌يل مه‌ده‌نى له كوردستان.
بارزانى هه‌ميش وت: هه‌ميش گيان ئه‌و قوربانيه‌يله ئه‌خه‌يمنه ياد له په‌لاماره‌يل 16ى ئبريل 1987 له شێخ وه‌سه‌ن و دووڵ باليسان، ك هه‌ميشه هانه دڵ ملله‌ت كوردستان.