شه‌فه‌ق نيوز/ نێچيروان بارزانى سه‌رۆك هه‌رێم كوردستان، دانيشتنيگ وه‌ل به‌رهه‌م ساڵح سه‌رۆك كۆمار عراق سازكرد و له‌تى باس له‌بارودوخ سياسى و دامه‌زرانن حكومه‌ت تازه‌ى ناوه‌ندى و چاره‌سه‌ر ئه‌و قه‌يرانه‌يله كريا ك هاته‌سه تويش وڵاته‌گه.
نويسينگه‌ى به‌رهه‌م ساڵح له به‌ياننامه‌يگ وت: له‌و دانيشتنه هه‌ردوگلا باس له دويا رويداگه‌يل سياسى له عراق و چاره‌سه‌ر قه‌يرانه‌يل و ناكووكيه‌يل و رويكردن له سه‌قامگيرى و بژيوى هاوڵاتيه‌يل كرياگه له گشت ناوچه‌يل و له‌وانه‌يش له هه‌رێم كوردستان.
به‌ياننامه‌گه يه‌يش ده‌رخست ك له‌و ديداره باسيش له چاره‌سه‌ر كيشه‌يل ناونى به‌غدا و هه‌رێم كرياگه وه‌گووره‌ى ده‌ستوور، وه‌تايبه‌ت يه‌كلاكردنه‌وه‌ى مه‌سه‌له‌ى بودجهى هه‌رێم و مووچه‌ى كارمه‌نده‌يل.