بارزانى له په‌ياميگ وه بوونه‌ى سه‌رساڵ تازه‌ى زايينى ك(شه‌فه‌ق نيوز)ئاگادارى بوى، وت: وه‌ى بوونه‌وه گه‌رمترين سڵام ئاراسته‌ى ملله‌ت كوردستان و گشت ملله‌ته‌يل جه‌هان ئه‌كه‌م و ئوميده‌وارم ساڵ 2016 بدێده ساڵ كووتاييهاتن جه‌نگ و ترۆر و له‌هه‌مان وه‌خت ئاشتى و خوه‌شبه‌ختى له كوردستان و گشت شوونيگ له‌جه‌هان ئه‌نجام بگرێد.
جى باسه، بارزانى هه‌ميش وت: ساڵ 2015 پڕ بوى له قوربانيدان له‌لايه‌ن هيزه‌يل پێشمه‌رگه‌ى پاڵه‌وان ك خوين وگيان خوه‌يان كردنه قوربان مقه‌يه‌تيكردن له ملله‌ت كوردستان وه‌گشت پيكهاته‌يل نه‌ته‌وه‌يى و ئايينى و له‌وه‌ر مقه‌يه‌تى له نه‌ريته‌يل ئنسانى و ژيان مه‌ده‌نيانه‌و روى وه‌ڕوى گه‌وراترين هه‌ڕه‌شه‌يل بوينه‌و له‌ى سه‌رده‌مه، ك وه‌و خاتريشه ئويشيم ئى قوناغه هه‌وه‌جه وه سه‌بر ديرێد و بايه‌سه ملله‌ت سه‌بردار بوون، چوينكه ئاينده‌ى رووشنيگ ها وه‌رده‌ممان.