له به‌ياننامه‌ى سه‌رۆكايه‌تى هه‌رێم ئه‌را(شه‌فه‌ق نيوز) ئه‌وه ده‌ركه‌فت ك بارزانى له‌وه‌خت پيشوازيكردنى له جه‌نراڵ جوزيف دانفۆرد سه‌رۆك ليژنه‌ى ئه‌ركان هاوبه‌ش هيزه‌يل ئه‌مريكى له عراق و شانده ياوه‌ره‌گه‌ى سوپاسگوزارى له ملله‌ت و سه‌رۆك و حكومه‌ت و سوپاى ئه‌مريكى كردگه ك پشتگيرى له هه‌رێم كردنه دژ داعش.
جى باسه، به‌ياننامه‌گه ئاماژه وه‌يه‌يش كرد ك بارزانى له‌و ديداره داواى ئه‌وه‌يش له ئه‌مريكا كردگه زه‌مانه‌ت وه پيكهاته‌يل بيه‌ێد له‌وه‌ر دڵنيايى له ئاينده‌يان ئه‌را ئه‌وه‌گ جاريگ تر تويش ئه‌و مه‌ويسيه‌يله نان ك هاته‌سه تويشيان.