شه‌فه‌ق نيوز/ له مه‌راسيم ده‌سوه‌پيكردن كۆنگره‌ى ناوده‌وڵه‌تى ئه‌را ناوداره‌يل كورد له شار سه‌نه‌ندج له كوردستان ئيران، وته‌ى نێچيروان بارزانى سه‌رۆك هه‌رێم كوردستان خوه‌نرياوه له‌لايه‌ن زيره‌ك كه‌مال نێرده‌ى سه‌رۆكايه‌تى هه‌رێم.
زيره‌ك كه‌مال له وته‌گه‌ى سه‌رۆك هه‌رێم كوردستان وت: كه‌سه‌يل داهێنه‌ر و ناودار له هه‌ر ده‌وڵه‌تيگ بوون و هه‌ر ناسنامه‌يگ نه‌ته‌وه‌يى يا ئايينى داشتوون، گشتيان سامانيگن ماريفى و مه‌عنوى و به‌شيگن له رووشنهويرى ئنسانى وه گشتى.
جى باسه، بارزانى له وته‌گه‌يشى ئاماژه وه كه‌سه‌يل پابه‌رز كرد له‌ڕێ هه‌وڵ و خه‌بات و ئه‌نجام فكره‌و ئاداب و زانستيه‌وه ك بوينه‌سه ده‌نگ و ده‌نگدانه‌وه ئه‌را ملله‌ته‌يليان و وه‌رده‌وامن له هه‌وڵ ئه‌را بنياتناين پيه‌ڵه‌يل متمانه‌و خوه‌شه‌ويسى له‌ناونى گشت ملله‌ته‌يل ئى دونيا.