بارزانى له به‌ياننامه‌يگ ك(شه‌فه‌ق نيوز)ئاگادارى بوى، وت: تانك و ته‌ياره‌يل توركى بوردمان شماره‌يگ له بنگه‌يل پارت كارگه‌ره‌يل كوردستان كردنه له هه‌رێم كوردستان، ك جى داخه له‌دوياى ئه‌وه هات ك سه‌رۆك ريكخستن كومه‌ڵگاى كوردستانى چه‌ن جاريگ باس له كووتايى ئاشتى وه‌ل توركيا كرد و له‌ى باوه‌تيشه‌و حزب ملله‌ته‌يل ديموكراسيخواز و ريزدار عه‌بدوڵڵا ئۆجه‌لان نه‌بايه‌د له‌يوا بڕياريگ بيه‌ن له‌باوه‌ت چه‌كداره‌يل په‌كه‌كه، ك يه‌يش له نه‌خشيان كه‌مه‌و كرد له مه‌سه‌له‌گه‌و كاريگه‌رى فريه‌يگ دروسكرد له‌بان راى گشتى له توركيا.
بارزانى هه‌ميش وت: له‌ماوه‌ى رووژه‌يل گوزه‌يشت بريگ له پياوه‌يل پۆليس له توركيا كوشيان و له‌ى باوه‌تيشه‌و پارت كارگه‌ره‌يل كوردستان وه‌رپرسيارێتى ئه‌و په‌لاماره گرته خوه‌ى و يه‌يش باره‌گه فيشتر سه‌خته‌و كرد.
جى باسه، بارزانى هه‌ميش وت: سه‌رۆك هه‌رێم كوردستان وه‌ل حكومه‌ت هه‌رێم ئاماده‌ن نه‌خش خاسيگ نيشان بيه‌ن ئه‌را وساننه‌وه‌ى ئه‌و جه‌نگه‌و دروسكردن ئاشتى له‌و خاڵه‌و ك بريا، چوينكه مه‌حاڵه كيشه‌و گرفت وه وه‌كارهاوردن هيز و تون وتيژى چاره‌سه‌ر بكريه‌ێد.