له به‌ياننامه‌ى سه‌رۆكايه‌تى حكومه‌ت هه‌رێم ئه‌را(شه‌فه‌ق نيوز) ئه‌وه ده‌ركه‌فت ك بارزانى له‌وه‌خت پيشوازيكردنى له مارك ئيشهورن باڵوێز ئه‌ڵمانى له هه‌رێم كوردستان باس له په‌يوه‌نديه‌يل ناونى ئه‌ڵمانياو هه‌رێم كوردستان كردنه‌و باڵوێز ئه‌ڵمانى باس له ده‌سميه‌ت هه‌رێم كردگه له‌گشت قوناغه‌يل وه‌تايبه‌ت له جه‌نگ دژ ترۆر.
به‌باننامه‌گه يه‌يش ده‌رخست ك بارزانى له‌لايه‌ن خوه‌ييشه‌و باس له گرينگى قويله‌وكردن په‌يوه‌نديه‌يل ناونى كوردستان و ئه‌ڵمانيا كردگه‌و سوپاسگوزارى له حكومه‌ت ئه‌ڵمانى كردگه له مه‌سه‌له‌ى ده‌سميه‌تداين هيزه‌يل پێشمه‌رگه.
جى باسه، له‌باوه‌ت په‌يوه‌نديه‌يل ناونى هه‌رێم و به‌غدايش، بارزانى جه‌خت له‌وه كرد ك حكومه‌ت كوردستان ئاماده‌س سه‌ردان به‌غدا بكا ئه‌را دانيشتن و چاره‌سه‌ر كيشه‌يل له‌ڕى گفتگوو.