شەفەق نیوز/ مەسعود بارزانی ریبەر کورد، سەرۆک پارت دیموکرات کوردستان، ئمڕوو چوارشەممە، پەیامیگ وە بوونەی سی و چوارەم ساڵیاد راپەڕین گەل کوردستان پەیامیگ پیشکەش کرد.
بارزانی لە بەیاننامەیگ رەسیە ئاژانس شەفەق نیوز وت: راپەڕین یەکیگ لە پابەدارترین دەسکەفتەیل نرخدار گەل کوردستانە، کە لە دەرئەنجام ئەو تەما وە ئازادیە کە گەل کوردستان دیرێد، و ئازایی پیشمەرگە، و یەکڕزی ناوەین لایەنگرەیل بزۆتنەوەی ئازادیخواز کوردستانی، راپەڕین هەڵسیا و توەنست بڕەسێدە سەرکەفتن.
وتیش: راپەڕین لە روی دامودەزگایل ستەم و کوشتن و بڕین پەیامیگ ئاشکرا دروس کرد کە ئویشێد گەل کوردستان زنیە و تەما وە ئازادی و دەربازبوین دیرێد، لەبان ئەو رەفتارەیل ستەم و کوشتن و بڕینە لەبانی، هەمیش راپەڕین ئەو راسیە چەسپان کە چارەنویس داگیرکاری و ستەمکاری چەنیگ هازدار بوود هەر وەرەو نەمان چوود، و سەرکەفتن ئەرا ئیرادە و مۆڕاڵ گەل کوردستانە.
ریبەر کورد وتیش: لەی ساڵیاد پیرووزە، دووپات کەیمن لە ئەرزشەیل باڵای راپەڕین و ئەو پەیام برایەتی و وەیەکەوژیان هاوبەشە ئەرا گەل کوردستان.
جی باسە کە هەرێم کوردستان لە ساڵ 1991 دەسکردە راپەرین لەبان رژیم سەدام حسێن، کە فرە لە خەڵکەگە ناچار دەرچگن و ئاوارەیی بوین تا بوونە پەنابەر لە ناوچەیل سنووری وەرد ئیران و تورکیا.
لە ساڵ 1991 لە هەرێم کوردستان ناوچەی قەیەغەکردن فڕین دروس کریا دویای جەنگ خەلیج، کە بویە پەناگەیگ ئارام ئەرا گلەوخواردن کورد، و هیزەیل پیشمەرگە وەردەوام بوین لە نوای هیزەیل حکومەتی، تا لە تشرین دویەم 1991 هیزەیل عراقی لە کوردستان دەرچگن، و ناوچەگە بویە سەروەخوەیی.