شەفەق نيوز/ مەسعود بارزانی سەرۆک پارت دیموکرات کوردستان، ئمڕوو جمعە، ئەو جینۆسایدە وەبان کوردەیل فەیلی جویر بەشیگ لە پلان ریڕەوی رژیم وەرین زانست کە حزب بەعس وە سەرکردایەتی سەدام حسێن نوینەرایەتیی کەێد.

 ئەوەیش لە پۆستیگ لەبان پلاتفۆرم ئێکس هات وە بوونەی چل و پەنجەمین ساڵیاد جینۆسایدکردن کوردەیل فەیلی.

ریبەر کورد نویسان: لە چل و پەنجەمین ساڵیاد جینۆسایدکردن کوردەیل فەیلی، دروود ئەرا گیان شەهیدەیل کورد فەیلی و گشت شەهیدەیل لەڕی ئازادی کوردستان کلکەیمن.

 وتیش: خوەشک و برا فەیلیەیل ڕۆڵیگ گرنگ داشتنە لە بزوتنەوەی ئازادیخواز کوردستانی و پرس نەتەوەیی گەلمان.

مەسعود بارزانی وتیش: ئەو جینۆسایدە وەبان کوردەیل فەیلی بەشیگ بوی لە پلان ریڕەوی رژیم وەرین عراق ئەرا لەناوبردن گەل کوردستان.

رووژ 2 نيسان/ئەپريل لە هەر ساڵیگ جویر رەوژیک فەرمی ئەرا شەهید فەیلی دیاری کریا، ئەرا یادکردن تاوانەیل رژیم سەدام حسێن ئەرا نزیکەی سی ساڵ، کە هەزاران لە گەنجەیل کوردەیل فەیلی وەرەو شوینەیل نادیاریگ برد، و هیمان نەزانیاس چە وەسەریان هات، و هاتێ لەناو زیندانەیل گیانیان لەدەسدانە، یا زنیوەچاڵ کریانە.

رژیم بەعس لە کۆتایی هافتاگان و سەرەتای هەشتاگان لە سەدەی گوزەشتە، دەسکردە هەڵمەت گەورەیگ ئەرا بارکردن کوردەیل فەیلی، و زەفتکردن رەگەزنامەی عراقی لەلییان، و دەس نادە بان پویل و دارایییان.

 کوردەیل فەیلی لە سەردەم ئەحمەد حەسەن بەکر سەرۆک وەرین ناوەین ساڵەیل 1970 و1975، و لەشوینی وە کەس رژیم سەدام حسێن لە 1980 کەفتە وەر ستەم و کوشتن و بڕین و بارکردن.

دادگای باڵای تاوانەیل عراق لە ساڵ 2010 لەباوەت تاوانەیل بارکردن و سەرنقومکردن و زەفتکردن مافەیل کورد فەیلی بڕیاری دەرکرد و وە تاوان جینۆساید دادەی قەڵەم.