شەفەق نیوز/ نێچیرڤان بارزانی سەرۆک هەرێم کوردستان، ئمڕوو سێشەممە، یادکردنەوەی دویاترین قۆناغ ئەنفالەگان کرد لەناوچەی بەهدینان، وداوا لەحکومەت بەغداد کرد ئەرا جیوەجیکردن بڕیار دادگای باڵای تاوانی عراق وقەرەبووکردن قوربانیەگان.
نێچیرڤان بارزانی لە بەیاننامەیگ رەسیە ئاژانس شەفەق نیوز وت: ئمڕوو وە رێزیگ یادکردنەوەی قوربانیەگان ئەنفال بەهدینان کەیمن، وسڵاو لە گیان پاک شەهیدان کەیمن، وهەمیش سڵاو کەیمن لەکەسوکارە ئەزیزەیلیان، لە وەردەوامی ئەو هەڵمەت ناو خراوە ولە تاوان دڕندەیگ تر، رژیم بەعس لە ساڵ ١٩٨٨ بیسەرەوشون و کوشتن ١٨٠ هەزار هاووڵاتی کوردستانی کرد لە گەرمیان و تەنانەت لە بەهدینانیش وەبی جیوازی، وەسڕینەوەی ئاسەوار ژیان لە هەزاران ئاوەیەیل کوردستان.
ودیاری کرد: لەماوەی ناوبەین ٢٥ ئاب تا ٦ ئەیلول، لە دویاترین قۆناغ ئەنفالەگان، بمباران زۆرینەوی ناوچەیل بەهدینان کریا وە چەک کیمایی، وگشت پێکهاتەگان لە خەڵک ناوچەگە کەفتنە وەر هەڵمەتەیل دەسگیرکردن و کوشتن و بارکردن ک پەنج فیڕقەی سەربازی جیوەجیی کردن، وئی هەڵمەتە رەسیە مزگەفت ودێرەگان و ئاوایەیل بەهدینان و رمیان و ویران کریان، و ئەوانەیگ لەو تاوانە رزگار بوین وەرەو ئیران وتورکیا واین، تا زیان ئاوارەیی وەخوەیان بوینن.
وتیش؛ لەی یادکردنەوە دووپاتیمان نووەو کەیمن ک بایەسە حکومەت فیدڕاڵی عراق ئەرکە یاساییەگانی وەجی بارێد و بڕیار دادگای عراقی باڵا ئەرا تاوانەگان جیوەجی بکەێد، ک هەڵمەت ئەنفال وەتاوانیگ دژوە مرۆیی دانا و تاوانیگ جینۆساید، و بکەفنە مینەی چارەنووس بیسەروشوونەگانیان، و وەردەوامبویمن لە بەڵگەکردن تاوانەگان و کاربکەیمن ئەرا ئاشکراکردنیان جوور تاوانەیل جینۆساید لە ئاست ناودەوڵەتی ئەرا دووارەنەکردنیان لە هیچ شوونیگ لە جهان.
ودووپاتکرد ک بایەسە یادکردنەوەی ئەنفال هاندەریگ بوود ئەرا بتەوکردن پشتیەکگردن ویەکێتی ریز ولایەن و پێکهاتەیل کوردستان، و دووپاتکرد؛ بایەسە ئی لابەڕەیلە لە مێژوو بوونە تویەم ئاشتەوایی و پێکەوەژیان و مقەیەتی دەسکەفگەیل کوردستان، وئەیە مەزنترین وەفاداریە ئەرا خوین شەهیدەگان.
هەمیش وت: لەی ساڵیادە دووارەی سوپاس ورێزمان کەیمن ئەرا خەڵک هەولێر و دەورگردی چوونکە وەگشت شیوەگان دەسمیەت خەڵک بەهدینان دان ک لەو ئۆپراسیۆنە وەزوور بارکریان ئەرا کۆمەڵگەی جیزنیکان، خانەدانییان و هەڵوێست مرۆییان هەرگیز لە هویرەو نیەچوود.
نێچیرڤان بارزانی لە بەیاننامەیگ رەسیە ئاژانس شەفەق نیوز وت: ئمڕوو وە رێزیگ یادکردنەوەی قوربانیەگان ئەنفال بەهدینان کەیمن، وسڵاو لە گیان پاک شەهیدان کەیمن، وهەمیش سڵاو کەیمن لەکەسوکارە ئەزیزەیلیان، لە وەردەوامی ئەو هەڵمەت ناو خراوە ولە تاوان دڕندەیگ تر، رژیم بەعس لە ساڵ ١٩٨٨ بیسەرەوشون و کوشتن ١٨٠ هەزار هاووڵاتی کوردستانی کرد لە گەرمیان و تەنانەت لە بەهدینانیش وەبی جیوازی، وەسڕینەوەی ئاسەوار ژیان لە هەزاران ئاوەیەیل کوردستان.
ودیاری کرد: لەماوەی ناوبەین ٢٥ ئاب تا ٦ ئەیلول، لە دویاترین قۆناغ ئەنفالەگان، بمباران زۆرینەوی ناوچەیل بەهدینان کریا وە چەک کیمایی، وگشت پێکهاتەگان لە خەڵک ناوچەگە کەفتنە وەر هەڵمەتەیل دەسگیرکردن و کوشتن و بارکردن ک پەنج فیڕقەی سەربازی جیوەجیی کردن، وئی هەڵمەتە رەسیە مزگەفت ودێرەگان و ئاوایەیل بەهدینان و رمیان و ویران کریان، و ئەوانەیگ لەو تاوانە رزگار بوین وەرەو ئیران وتورکیا واین، تا زیان ئاوارەیی وەخوەیان بوینن.
وتیش؛ لەی یادکردنەوە دووپاتیمان نووەو کەیمن ک بایەسە حکومەت فیدڕاڵی عراق ئەرکە یاساییەگانی وەجی بارێد و بڕیار دادگای عراقی باڵا ئەرا تاوانەگان جیوەجی بکەێد، ک هەڵمەت ئەنفال وەتاوانیگ دژوە مرۆیی دانا و تاوانیگ جینۆساید، و بکەفنە مینەی چارەنووس بیسەروشوونەگانیان، و وەردەوامبویمن لە بەڵگەکردن تاوانەگان و کاربکەیمن ئەرا ئاشکراکردنیان جوور تاوانەیل جینۆساید لە ئاست ناودەوڵەتی ئەرا دووارەنەکردنیان لە هیچ شوونیگ لە جهان.
ودووپاتکرد ک بایەسە یادکردنەوەی ئەنفال هاندەریگ بوود ئەرا بتەوکردن پشتیەکگردن ویەکێتی ریز ولایەن و پێکهاتەیل کوردستان، و دووپاتکرد؛ بایەسە ئی لابەڕەیلە لە مێژوو بوونە تویەم ئاشتەوایی و پێکەوەژیان و مقەیەتی دەسکەفگەیل کوردستان، وئەیە مەزنترین وەفاداریە ئەرا خوین شەهیدەگان.
هەمیش وت: لەی ساڵیادە دووارەی سوپاس ورێزمان کەیمن ئەرا خەڵک هەولێر و دەورگردی چوونکە وەگشت شیوەگان دەسمیەت خەڵک بەهدینان دان ک لەو ئۆپراسیۆنە وەزوور بارکریان ئەرا کۆمەڵگەی جیزنیکان، خانەدانییان و هەڵوێست مرۆییان هەرگیز لە هویرەو نیەچوود.