شەفەق نیوز/ بارەگای مەسعود بارزانی سەرکردەی کورد، ئمڕوو سێشەممە، پرسەی خانم ئەندام وەرین سەرکردایەتی پارت دیموکرات کوردستان، و سکرتێر وەرین یەکێتی ژنەیل کوردستان کرد، دویای ململانەیگ وەگەرد بیماریەگە تا بنریەێدە دویاترین مەنزڵگای لە خاک ئەمریکا.
بەیاننامەگە وت: خانم زەکیە ئیسماعیل حەقی یەکیگ بوی لەو ژنەیلە ک خاوەن دەور دیاریگ لە کار رێکخستن ژنانە، و پێشکەشکردن خزمەتەیل گەورەیگ ئەرا ژنەیل کوردستان بوی.
زەکیە ئیسماعیل حەقی لە تەمەن ٨٦ ساڵان، لە بنەماڵەیگ کورد ناودارە لە بەغداد، و خوەی یەکەم دادوەرە لە عراق و ناوچەی عەرەوی
رەحمەتی خوەنستن زانکۆ لە یاسا لە زانکۆی بەغداد لە ساڵ ١٩٥٧ تەواو کرد، و بڕوانامەی بەکالۆریۆسی گ لە وەڕیەوبردن کاروبار لە یەکیگ لە زانکۆیل سویسرا لە ساڵ ١٩٦٦ وەدەس هاورد، ئیجا بویە خاوەن بڕوانامەی ماستەر لە یاسا لە زانکۆی بەغداد وە پلەی نایاب لە ساڵ ١٩٧٢، ئیجا بویە خاوەن دکتۆرای یاسای ناودەوڵەتی لە یەکیگ لە زانکۆیل ئەمریکا.
دویای دەرچگنی کار پارێزەری کرد تا بویە یەکەم خانم دادوەر لە عراق لە ٩ی شوباتی ١٩٥٩، لە ماوەی دەسەڵاتداریی عەبدولکەریم قاسم، و پلە پلە لە پۆستەیل حکومەت عراق رەسیە بان، تا خوەی رەسانە شۆڕش کورد لە ١٩٧٤ وە سەرکردایەتی مەڵا موستەفای بارزانی.
هەنای خوەی رەسانە بزووتنەوەی ئازادیخواز کورد، خوەی لە یەکەمەیلە بوی، و لە دامەزرێنەرەیل یەکێتی ژنەیل کوردستان بوی لە ١١ی کانونی یەکەم ١٩٥٢، و ئەو یەکێتیە خوەی یەکەم رێکخستن ژنانە بوی لە عراق، و لە سەرتای تا ساڵ ١٩٧٥ خوەی سەرۆک یەکێتەگە بوی.
هەمیش ئەرا دەسەی سەرکردایەتی لە پارت دیموکرات کوردستان لە کۆنگرەی حزبەگە لە ساڵ ١٩٧٠ پەسەن کریا، و خوەی تاقە ژنیگ بوی لە سەرکردایەتی، و لە ماوەی شۆڕش کورد لە ساڵ ١٩٧٤ جوور ئەندامیگ لە ئەنجومەن یاسایی تایبەت وە ئامادەکردن رەشنووس دەستور دویارووژ عراق پەسەن کریا، و نوێنەرایەتی پارتی و یەکێتی ژنەیل کوردستان کرد لە کۆنگرەیل جهانی فرەیگ.
لەوەر هەڵوێستەیل سیاسیی، کەفتە وەر زیان و ستەم، ک لە ٦ حوزەیران ١٩٦٢ دەسی لە پۆستەیلی هەڵگریا، لەوەر بەشداریکردنی لە خۆپیشاندان داوای ئاشتی لە کوردستان، و وسانن ئۆپراسیۆنەیل سەربازی دژوە گەل کوردی و شۆڕشەگەی، لە شۆڕش ئەیلوول لە ساڵ ١٩٦١ وە سەرکردایەتی مەڵا موستەفای بارزانی هەڵسیا، و هەمیش فەرمان گیرهاوردن ناچاری ئەرا ماوەی زیاتر لە ٢١ ساڵ لەناو ساڵەیل ١٩٧٥ تا ١٩٩٦ لەلایەنەسەڵات بەعس لەبانی دەرچگ، تا ئەوەنە لە عراق روی کردە ئەمریکا.
دویای ٢٠٠٣ وەرەو بەغداد گلەوخوارد تا جوور راوێژکار کۆنە لە وەزارەت داد و پسپۆڕیگ ئەرکەیل خوەی وەربگریەێد، و بەشدار بوود لە نووەوکردن سیستەم یاسای عراق.
و لە ئادار ٢٠٠٤ بویە وەشکینکار گشتی لە وەزارت کار و باوەتەیل کۆمەڵایەتی، ئیجا جوور ئەندام کۆمەڵگەی نیشتمانی عراق پەسەن کریا، و لە سێ دەسە لەلی بەشدار بوی: دەسەی دەسپاکی و دژە گەندەڵی، و دەسەی سەروەری، و دەسەی سازین دەستوور نوو عراق.