شەفەق نیوز/ وە دیوار چەرمگیگ و چوارچمگ داری وینەیل هونەریگ هەڵگریایە کە بڕیگیان سادە بوین و بڕیگیان بەهڕەیل وینەکیشەگە رەنگدابویەو وەناو ڕەنگەیلە، دیزانەیل دەربڕینیگ بوین ئەرا روخسار و ماڵەیل، ئمڕوو یەکشەممە، لە هەولێر پایتەخت هەرێم کوردستان پێشانگایگ شیوەکاری ئەرا خوەنەوارەیل وە ڕیوەچوی وە بەشداری فراوانیگ و چالاکیگ.
پەیامنێر ئاژانس شەفەق نیوز وت، پێشانگاگە لە چوارچمگ چالاکی هونەریەگان مەکتەوەیل بنەڕەتی بوی لە سنوور پارێزگای هەولێر، و 53 تابلۆ گردبویە خوەی وە بەشداریکردن 32 خوەنەر دویەت و کوڕ لە قۆناغە جیاوازەیل خوەنین.
شەپۆلی دەریا ( یەکیگە لە بەشداربویەیل پێشانگاگە) وە ئاژانس شەفەق نیوز وت، "وە سێ تابلۆ بەشداری لە پێشانگاگە کردیە قەڵەم رەساس و جاف وەکارهاوردیە دویزەو کردیە وەبان هویردەکاریەیل بویچگ لە وینەیلی".
لان سەلیم (خوەنەواریگ بەشداربوی لە پێشانگاگە) وە ئاژانسەگە وت " ئەو تابلۆیەیلە وە پی بەشداریکردیە لە پیشانگاگە چەرمگ و سیان و گوزاشت لەپاراستن ژینگە و گرنگی کەن وەگەرد تابلۆیگ ترەک کە بەشداری وەپی کردیە".