شەفەق نیوز/ وەزارەت تەندروسی لە حکومەت هەرێم کوردستان، ئمڕوو سێشەممە، راگەیان تۊشهاتن تەنیش ٢٩ کەس وە ڤایرۆس کۆرۆنا، وەبی توومارکردن هۊچ مردنیگ لەماوەی ٢٤ سەعات گوزەشتە، لە نشانەیگ ئەو داوەزین وەرچەویگ لە ئامار تۊشهاتنەیل پەتاگە.
وەزارەتەگە لە بەیاننامیگ رەسیە ئاژانس شەفەق نیوز: تاقیگەیلی لەماوەی ٢٤ سەعات گوزەشتە ٢٢٩٤ وەشکین ئەنجام دانە لەناویان تۊشهاتن ٢٩ کەس وە ڤایرۆسەگە دیاری کریا.
بەیاننامەگە وتیش: ٢٧٩ بیمار لە پەتاگە خاسەو بۊن لە خود ماوەگە، وەبی توومارکردن هۊچ مردن نوویگ.
بەیاننامەی وەزارەتەگە وتیش: گشت شمارەی ئەوانەگ کەرەنتین کریانە رەسیە ٢١٨٧١ کەس، و شمارەی وەشکینەیلە رەسیە ٤١٠٩٦٦٣، و ٤٣٥٨٦٥ تۊشهاتن وە ڤایرۆسەگە، وەگەرد ٤٢٦٧٥٩ خاسەوبۊن، و ٧٤٣٤ مردن لە گشت ناوچەیل هەرێم کوردستان.