شەفەق نیوز/ وەزیر تەندروسی هەرێم کوردستان سامان بەرزنجی راگەیان، دەس وە هەڵمەت ڤاکسین داین تاقەبەش سێیەم ڤاکسین دژ وە ڤایرۆس کۆرۆنا کردنە، ئەرا وەهێزکردن وەرگیری لەش ئەو کەسەیلە ک سوودمەن بۊینە لە دو تاقەبەشیل گوزەشتە.
وەگورەی نۊسریایگ فەرمی ک لە وەزارەتەگە وە ئیمزای بەرزنجی دەرچگە، بڕیاردریایە سێیەمین بەش بدرێدە ئەو کەسەیلە ک سوودمەن بۊینە لە دو تاقەبەشەگەی ڤاکسین دژە کۆرۆنا ئەرا زیادکردن وەرگیری لەش وەرانوەر کۆرۆنا و ئاڵشتبۊی ئۆمیکرۆن.
وە هەمان رێکارەیل گوزەشتە ئاراستەکرد ئەرا ڤاکسین داین هاوڵاتیەیل لە 18 ساڵ وە بان.