شەفەق نیوز/ سەرچەوەیگ لە زانکۆی گەرمیان، شەوەکی ئمڕوو سێشەممە، راگەیان شمارەیگ لە ماموستا و فەرمانبەرەیل کۆلێژ پەروەردەی بنەڕەت گەرمیان بایکۆت هۆڵەیل تاقیکردنەوە ئەنجام دانە.
سەرچەوەیگ لە زانکۆی گەرمیان وە ئاژانس شەفەق نیوز وت: " شەوەکی ئمڕوو شمارەیگ لە مامووستایەیل کۆلێژ پەروەردەی بنەڕەت لە زانکۆی گەرمیان بایکۆت هۆڵەگان تاقیکردنەوە و دەوام فەرمی کردن وە لەوەرچەوگردن خراوی بارودۆخ دارایی و گوزەران ماموسایەیل و وەرنەگردن موچەی مانگ ئازار 2022 و دەربەس نەهاتن لایەن پەیوەندیدار لە وەرانوەر جیوەجیکردن داواکاریەیلمان ".
سەرچەوەگە وتیش؛ " هەڕەشەی بایکۆت وە لایەن فرەیگ لە ماموسایەیل زانکۆی گەرمیان هەس، باوجی ئیمە جویر یەکەم بەش (بەش زوان کوردی) بایکۆت تاقیکردنەوەیل کردنە و هاتێ سوو بەشەیلتریش بایکۆت ئەنجام بیەن".
جی باسە ماموستایەیل زانکۆ لە شارەیلتریش خوەپیشاندان سازدانە ئەرا داواکاری بەرزەوکردن پلەیان و موچەیلیان لەبان وەخت خوەی وەپیان بیریەێد ک ماوەی سێ مانگە مووچە وەرنەگردنە.