شەفەق نیوز/ سێ پەرلەمانتار کورد لە ئەنجومەن نوێنەران عراق، ئمڕوو سێشەممە، راگەیانن رەزامەنی حکوەت عراق لە خەرجکردن مووچەی فەرمانبەرەیل لە فەرمانگەیل فیدڕاڵی لە هەرێم کوردستان. ئەرا مانگەیل ( ٤، ٥ ، ٦ ، ٧ ،٨ ) لەئی ساڵە.
سێ پەرلەمانتارەگە؛ ئەحمەد حاجی رەشید، غالب محمد، سەرکەوت شەمسەدین، لە بەیاننامەیگ هاوبەش وتن: لە سەردانەگەیان ئمڕوو ئەرا وەزارەت ناوخۆ، توێنستن یەکلای مووچەیل چوار فەرماگە فیدڕاڵیەگە بکەن ( شناسنامە، نفووس، پاسپۆڕت، جینشینیی) وەگەرد ناوخۆ و وەزارەت دارایی فیدڕاڵی.
سێ پەرلەمانتارەگە ئاماژەکردن لە رەزامەنی وەڕێوبەرایەتی دارایی گشتی لە وەزارەت ناوخۆ لە خەرجکردن مووچەیل ئەو فەرمانگە فیدڕاڵیەیلە، و ئەوسا موستەفا کازمی سەرۆک وەزیران ئمڕوو واژوو لەبان رەزامەنیەگە کەێد، وپویلەگان ئەرا هەرێم کوردستان رەوانە کریەن.
ودیاریکردن ک وەگورەی بڕیار رەزامەنیەگە ئەوەسا یەک ملیار و ٨٠٠ مەلیۆن دینار ئەرا هەرێم رەوانە کریەێد، لە مووچەی هەر مانگیگ لەو فەرمانگەیلە، وەبی هیچ بڕینیگ ئەرا هیج مانگیگ لە پەنج مانگەگان، چوونکە هیچ دەسپیجگیگ ئەرا بڕین یا دویاخستن خەرجەگە نیە.