شەفەق نیوز/ بایکۆت وەردەوام کادرەیل تەندروسی لە شار رانیە لە هەرێم کوردستان، بویە هوکار گڵووڵەبوین لە خزمەتیەیل پزشکی، کە بەش فریاکەفتن لە خەسەخانەی رانیە بەسیا، نەور نەهاتن ئەو کارمەنەیلە کە داوای دامەزریان فەرمانبەری کەن، و داناین سنووریگ ئەرا کار خوەیوەخشی کە ئەرا ساڵەیلیگ وەردەوامە وەبی چارەسەریەیل ریشەیی.

یەکیگ لە کارمەنەیل کەرت تەندروسی، ناو خوەی ئاشکرا نەکرد، ئەرا پەیامنێر ئاژانس شەفەق نیوز وت: بایکۆت چگە ناو دویەم هەفتەی لە گشت بنکەیل تەندروسی لە شارەگە.

وتيش: بايكۆت لە دوو هەفتە رەد کرد، و داوای دامەزریان کەیمن، ئەو شوینەیلڵ کە لەناویان بایکۆت کردیمنە وە هویچ کادریگ جیگر پڕەو نەکریانە، کە هیشت رەوشەگە سەختەو بوود.

وتیشر: کارمەنەیل تەندروسی یە چەن ساڵیگە لەبان رەوشەیل تایبەت خوەیان کار کردیان لە سای نەوین پشتگیریی فەرمی، کە هیشت بڕیار بایکۆت جویر دویاترین ری پەسەن بکەن، دویای ساڵەیلیگ لە داواکاری.

 وەگورەی سەرچەوەیلیگ پزشکی، زیاتر لە ٣٠ فەرمانبەر لە خەسەخانەی رانیە، لەناویان بەش مناڵ، وەتەواوی کار وسانن، کە بویە مدوو بەسیان بەش فریاکەفتن و پەکخستن خزمەتەیل سەرتایی.

وتیش: ئی بایکۆتە نشان قەیرانیگ گەورە لە کەرت تەندروسی لە رانیە دەێد، کە بویە کار گرنگیگ لەبان لایەنەیل وەرپرس تا ریکارەیل زویوەزوی جیوەجی بکەن ئەرا گەرەنتی وەردەوامی خزمەتەیل تەندروسی و جیوەجیکردن پەڵپ کادرەیل پزشکی.