شەفەق نیوز/ دکتۆر سامان بەرزنجی وەزیر تەندروسی لە هەرێم کوردستان، ئمڕوو یەکشەممە، راگەیان سوو دووشەممە، یەکەم چین لە واکسین ڤایڕۆس کۆڕۆنا رەسێدە هەرێم کوردستان.

بەرزنجی لە وتاریگ ئەرا رووژنامەنووسەیل و پەیامنێر ئاژانس شەفەق نیوز لەناویان بوی وت: سوو دووشەممە، ئەوەسا واکسینەکان لە وڵات چین رەسنە هەرێم کوردستان، و دیاری کرد ک ئی چینە ٥٠٠٠ تاقەبەش لە واکسینەگە هاناوی، هەزار لەلی کەفێدە بەش قونسڵەیەی وڵات چین لە هەولێر چوونکە فەرمانبەر دیرن و خوازن بەشیان بیەن.

و دیاری کرد ک ئەو تاقەبەشەکان لە بەش فەرمانبەرەیل تەندروسی بوود، و ئاماژە کرد ک چەوری کەیمن واکسینەگە بڕەسێدە عراق و بەش هەرێم هالە ناویان.

وەزیرەگە ئاماژە کرد ک لیستەکان لە وەڕێۆبەرایەتیە گشتیەکان تەندروسی ئەرا ئەوانەگ شایستەی وەرگردن واکسینەگەن پڕەو کریان، و وتیش؛ لەشوون ئی چینە چینەیلیگ تر لە واکسینەگە رەسن.

دەربارەی هەڵوێست پەتاگە لە هەرێم کوردستان، بەرزنجی وت: فرەی تووشهاتنەکان ئیسە لە بنچینە نووەگەی کۆڕۆنا تۆمار کریەن.