شەفەق نیوز/ فەرمانگەی کشاوەرزی کەرکوک، ئمڕوو دووشەممە، راگەیان نرخ مامر بەرزەوبوین گەپیگ وەخوەی دیە لە پارێزگاگە و هووکارەگەی ئەرا قەیەغەی گواستنەوەی لە هەرێم کوردستانەو ئەرا کەرکوک و ئەو پارێزگایەیل ترەک تێد، بویەسە مدوو کەمی بەرهەم و بەرزەوبوین نرخ.

وەڕێوەبەر فەرمانگەی کشاوەرزی کەرکوک، زوهێر عەلی وە ئاژانس شەفەق نیوز وت "نرخ یەک کیلو مامر ناوخوەیی لە کەرکوک هاناوەین  2500 و3000 دينار، لەدویای ئەوەگ لە گوزەشتە  2000 دينار بوی،  هووکار سەرەکی ئێ زیایبوینە قەیەغەی گواستنەوەی مامرە لە ناوەین کارخانەیلە کە مولەت فەرمی ئیوەتکردن نەیرن".

وتیش، "کەرکوک نزیکەی 400 کێڵگەی پەلەوەری گرێدەخوەی لەناویان 200یان نافەرمین، کەرمی بەرهەمهاوردن نەرەسێدە ەو خواستە بەرزە لە پارێزگاگە، بەرهەم رووژانە رەسێدە  2500 تەن و ساڵانە نزیکەی 50 هەزار تەن، یە هەوەجەی بازاڕ پڕەو نیەکەێد". ئاشکرایکرد، هووکار قەیەغەکردن کلردن لە هەرێم کوردستانەو ئەرا کەرکوک چوود ئەرا رێنمایەیل وەزارەت کشاوەرزی فیدڕاڵی کە بایەت کێڵگە موولەت فەرمی بیاشتوود و وەەرد قەیەغەکردن کێڵگەیل بی موولەت لە کارکردن".