شەفەق نیوز/ نرخ بەنزین لە سلێمانی، شەوەکی ئمڕوو شەممە، بەرزەوبوین وەرچەویگ وەخوەی دی، دویای ماوەیگ لە جیگیربوینی کە تا چەن مانگیگ وەردەوام بوی، ئەوەیش لەئەنجام ئاڵشتبوینیگ لە فرووشتن و داوا.
بەهمەن شێخ قادر قسەکەر بەنزینخانەیل سلێمانی ئەرا ئاژانس شەفەق نیوز وت: نرخ لیتێیگ بەنزین (عادی) لە 850 دينار ئەرا 875 دينار بەرزەو بوی، دویای ئەوەی لە سەرەتای نیسان ئمساڵ 775 دينار بوی.
شێخ قادر دیاری کرد کە داوەزیان هاوردە لە ئیران و عراقەو وەگەرد داوای گەورە لەبان بەنزین لەناو وڵات، هیشت نرخەگە بەرزەو بوود.
وتیش: بەنزین حکومەتی کە نرخەگەی رەسێدە 750 دينار وە سلێمانی نیەڕەسێد، کە ئەوەیش قەیران گرانیی زیای کەێد.
وتیش: نرخ لیتریگ بەنزین (موحەسەن) و (سوپەر) لە هەرێم کوردستان لەناوەین بين 900 و1300 دينار بوی، وەگەرد 25 دينار زیایەو ئەرا هەر لیتریگ، لەوەر زیایەی داواکردنی و کەمەوبوین بڕ بەرهەمی.