شەفەق نیوز/ وەڕیەوبەرایەتی ئاو سلێمانی لە هەرێم کوردستان، ئمڕوو جمعە، وسیان بەشەوکردن ئاو ئەرا هاوڵاتیەیل راگەیان، ئەوەیش لەوەر رویداویگ هاتوچو لە شەو پەنجشەممە.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: رویداو لەیەکداین دوو بارهەڵگر سزەمەنی لە قەزای دوکان لە سلێمانی بویە هوکار نزەکردن بڕەیلیگ سزەمەنی وەرەو ئاو نووشین ناوچەگە.
وتیش: ئەرا مقیتیکردن تەندروسی وەبیوەیی هاوڵاتیەیل، پڕۆژەی ئاو دەکات لەکار وشیا، تا لە پاکی ئاو چەمەگە دڵنیا بویمن.
وەرجەیە، سەرچەوەیگ تایبەت ئەرا ئازنس شەفەق نیوز وت: لەیەکداین دوو بارهەڵگر سزەمەنی لە قەزای دوکان، شەو پەنجشەممە، بویە هوکار نزەکردن سزەمەنی وەرەو ئاو چەمەگە، و یەیش دویەم گلەس لەی هەفتە بەشەوکردن ئاو بوسێد لەوەر نزەکردن سزەمەنی وەرەو چەم دوکان وەمدوو رویداو هاتوچو.