شەفەق نیوز/ شەو سێشەممەی گوزەیشتە، دۊیاترین دەنگ بۊی، ک وە تەلەفۆنەگەی هادیە هاتە گووش رزگار باوگی.
لە باکوور فەرەنسا تەلەفۆنی کرد و وپی وت: باوە ئەوەسا وەگەرد داڵگم و خوەشکەم و براگەم سوار بەلەمیگ بۊیمن، تا بڕەسیمنە بەریتانیا، و ئەوە بۊیە دۊیاترین خەوەریان.
رزگار ک لە عراق کاری پۆلیسە، ژن و مناڵەیلی وەرجە ماوەیگ خوەیان رەساننە تورکیا، و لەوەرا تەقەلای چگنیان وەرەو بەریتانیا دەس وەپی کرد.
دۊیای یەک رووژ لەو تەلەفۆنە، لەبان تەلەفزیۆن باس خنکیان ٢٧ کووچبەر کریا، لە مەوقەی تەقەلای رەدبۊنیان لە دەریای ماتش وەرەو بەریتانیا.