شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کوشیان فێرخوازیگ و زەخمداری دوواتر وە رویداویگ لەناو گەراج وسیان ماشین مەکتەویان.

سەرچەوەگە ئەرا ئاژانس شەفەق نیوز وت: نیمەڕو ئمڕوو، هەنای خانمە مامووستایگ لە مەکتەو جەماڵ حاجی عەلی لە شار سلێمانی تەقەلا دایە ماشینەیگەی لەناو گەراج مەکتەوەگە گیر بارێد، سێ فێرخواز لە خوەنەوارەیل مەکتەوەگە تلانیە.

سەرچەوەگە وتیش: رویداوەگە بویە هووکار کوشیان یەکیگ لە فێرخوازەیل ک تەمەنی ١٣ ساڵان بویە، و دووانیش زەخمداری سەختیگ بوینە.

سەرچەوەگە وتیش: تەرم خوەنەوارە قوربانیەگە ئەرا پزیشک دادوەری کلکریای، و زەخمدارەیلیش ئەرا خەسخانەیگ لەناوڕاس سلێمانی بریان.