شەفەق نیوز/ ئامار تویشهاتن وە ڤایرۆس کۆرۆنا لە ماوەی ٢٤ سەعات گوزەشتە لە گشت ناوچە و شارەیل هەرێم کوردستان کەمەو بوی.
وەزارەت تەندروسی هەرێم کوردستان لە بەیاننامیگ رەسیە ئاژانس شەفەق نیوز وت: ١٧٥٢ وەشکین ئەنجام دریاگە، لەناویان تۊشهاتن تەنیا ١٨ کەس وە ڤایرۆسەگە ئاشکرا بویە، تا گشت شمارەگە بڕەسێدە ٤٣٧٣٢٧.
بەیاننامەگە وتیش: ٩ بیمار لە پەتاگە خاسەو بوینە، تا گشت شمارەی خاسەوبوین لە پەتاگە بڕەسێدە ٤٩٢٤٣٥.
هەرلیوا، هەرێم کوردستان لە ماوەی ٢٤ سەعات گوزەشتە هۊچ مردنیگ وە ڤایرۆسەگە توومار نەکرد، تا شمارەی مردنەیل لەپای ٧٤٤٠ بووسێد.