شەفەق نیوز/ وەزارەت تەندروسی فەلەستینی لە کەرت غەزە، ئمڕوو دووشەممە، بەرزەوبوین شمارەی قوربانیەیل جەنگ ئیسرائیل رەسیە زیاتر لە ١٠٧ هەزار کوشیای و زەخمدار، لە ٧ تشرین یەکەم ٢٠٢٣ تا ئیسە.
وەزارەتەگە وت: سوپای ئیسرائیلی ١١ کوشتار لەبان خیزانەیل لە کەرت غەزە لەماوەی ٢٤ ساعەت گوزەشتە جیوەجی کرد، ١٠٧ کوشیای لەلیان رەسیە خەسەخانە، وەگەرد ١٧٦ زەخمدار.
وتیش: فرە لە قوربانیەیل هیمان هانە ژیر ریاگەیل یا لەبان ریەیل کەفتنە و تیمەیل نیەتوەنن بڕەسنە هانایان.
وەیەوە شمارەی کوشیاگەیل رەسێدە ٣٢٣٣٣ کەس، و شمارەی زەخمدارەیل رەسیە ٧٤٦٩٤ کەس.