شەفەق نیوز - هەولێر

وەڕێوەبەرایەتی گەشتیاری لە هەولێر، ئمڕوو یەکشەممە، ئامارە گشتییەیل ئەرا شمارەی گەشتیارەیل لە ماوەی پشوو جەژن قوربان لە پایتەخت هەرێم کوردستان راگەیان.

 پارێزگاگە لە بەیاننامەیگ لە زوان وەڕێوەبەرایەتیەگەو وت: لەباوەت پلان گەشتیاری ئەرا رووژەیل جەژن قوربان، گشت ئامادەکارییەیل وە سەرکەفتنیگ جیوەجی کریان وەپای پلان دانریاگ، لەناویانیش دروسکردن دەسەیگ تایبەت ئەرا پیشکەشکردن خزمەتگوزارییەیل وە گەشتیارەیل لە خاڵەیل وەشکین و بەشەوکردن شمارەیل تەلەفۆن ئەرا چارەسەرکردن هەر رویداویگ یا کێشەیگ کە رۊوەڕۊیان بوود، و دووپات کرد کە هەولێر پیشوازی لە 112,657 گەشتیار کردگە کە لەڕی دەروازەیلیەو چگنەسە ناو پارێزگاگە لە ماوەی پشووەگە و وەرەو شوینە گەشتیارییەیلە چگنە.

رویداوە تاوانکارییەیل

لە لای خوەییش، وەڕێوەبەرایەتی پولیس هەولێر دووپات کرد کە گشت هیزەیلی لە گشت وەڕێوەبەرایەتی و بەشەیل لە ئامادەباشی تەواو بۊنە لە ماوەی جەژن قوربان،  وباس سەرکەفتن پلانە ئامادەکریاگەیل وەرین ئەرا ئی بوونە کرد وە بەشداری 113 ئەفسەر و 1532 کارمەن.

 خەوەردا لە توومارکردن سێ تاوان کوشتن (پیاوەیل و ژنەیل)، بیجگە چەن وەردەوەردەیگ، و چوار دزیکردن جیاجیا.