شەفەق نیوز/ سەرچەوەیگ ناوخوەیی، ئمڕوو چوارشەممە، خەوەردا لە مردن فەرماندەیگ سەربازی لە هیزەیل پێشمەرگە لەئەنجام زەخمداربوینی مەوقەی ئەو نەقەکردنە وەگەرد سوپای عراقی رویدا لە مەخمور.
سەرچەوەگە وە ئاژانس شەفەق نیوز وت " عەقید "ساڵح زراری" فەرماندەی لیوای 18ی پیادە لە هیزەیل پێشمەرگە شەوەکی ئمڕوو گیان لەدەسدا لەناو خەسخانە لەئەنجام کاریگەری زەخمداریبوینی مەوقەی رویوەڕوی بوینیان وەرد سوپای عراقی لە ناوچەی مەخمور".
وەزارەت پێشمەرگە لە بەیاننامەیگ سەرەخوەشی خوەی ئەرا مردن "زراری" راگەیان و دووپاتکرد " شەوەکی ئمڕوو لەوەر سەختی زەخمداریەگەی گیان لەدەسداس".
ئامار قوربانیەیل هیزەیل پێشمەرگە لە تەقەکردن وەگەرد سوپای عراقی کە لە مەخموور رویدا بەرزەوبوی ئەرا سێ کەس.