شەفەق نیوز/ قائیمقامیەت قەزای کەلار شمارەیگ رێکار رێکخستن و ئەمنی گردەوەر ئەرا ئامادەکاریکدن لە مانگ رەمەزان، لەچوارچمگی بەسانن دوکانەیل مەیفرووشیە وەگەرد خەسەوکردن چەودێری بازاڕ ئەرا نواگیریکردن لە بەرزەوبوین نرخەیل.

وەپای بەیاننامەیگ قائیمقامیەت کەلار بڵاویکردیە و رەسیەس وە ئاژانس شەفەق نیوز، لەدویای ئەنجامدان گردەوبوینیگ لە شەوەکی ئمڕوو سێشەممە،  (25 شوبات 2025) لە بینای قائیمقامیەت، وە ئامادەبوین نوێنەرەیل پۆلیس و ئاسایش و پۆلیس هاتوچو، و تەندروسی، و لایەنەیل چەودێری و ڤێتەرنەری.

 عارف عادل قائیمقام کەلار لەمیانەی کووبوینەوەگەی دیاریکرد، "هەوەجە کەێد جموجویلەیل چەودێری بان بازاڕ خەسەوبکرێد، ئەرا نواگیریکردن لە تەقەلایەیل بەرزەوبوین نرخ یا فرووشتن مادەیل خوەراکی ماوە وەسەرچگ، وە هەماهەنگی وەگەرد لایەنەیل تایوەت".

وەپای بەیاننامەگە، دوکانەیل مەیفرووشی لەماوەی مانگ رەمەزان بەسریەن، وەگەرد دروسکردن تیمیگ ئەمنی هاوبەش لە پۆلیس و ئاسایش و پۆلیس هاتوچوی، ئرەرا مسۆگەرکردن جموجویل بازاڕ و پاراستن هاوڵاتیەیل هەر گیچەیلیگ ئەمنی و زیایچگن.

وتیش، لە چوارچمگ بڕیارەیل کە دریایە، خەسەوکردن هێزەیل هاتوچو ناوشارەگەس ئەرا رێکخسن جموجویل هاتوچو وە تایوەت وەگەرد بەرزەوبوین چالاکی بازرگانی  و وەکارهاوردن لە ماوەی رەمەزان، لە لایگیش تیمیگ ئەرا چەودێریکردن بازرگانەیل و پابەنبوین وە نرخەیل فەرمی و قەیەغەی بازیکردن وەپی دانریایە.

لە بەیانامەگە هاتیە، "لیژنە هاوبەشەیل له هەڵمەتەیل وشکنین وەردەوامن لەبان بازاڕ و دوکانەیل بازرگانی، ئەرا توومارکردن هەر زیایچگنیگ پەیوەنی وە نرخ یا کوالێتی شتومەکەیل بیاشتوود وەگەرد وەرگردن رێکارەیل وەنواەر زیایچگەیل".