ئاسۆ عەلی نوینەر ناڕەزایل لە کۆنگرەیگ رووژنامەوانی ئازانس شەفەق نیوز ئامادەی بوی وت: نزیکەی (2000) دوو هەزار خاوەن دوکانەیل لە پبشەیل جیاجیا، یە سێ ساڵە ژیان لە گیچەڵ زیایکردن کرای دوکانەیلیان دیرن وە ریژەیگ رەسێدە  800٪"، وتیش: جاران کرای مەتریگ (500) دينار بوی، و ئیرنگە رەسیە  (4000) دينار دینار، و یەیش زیایەی فرە گەورەیگە.

وتیش: ئیمە یە سێ ساڵە وەرد لایەنەیل فەرمی قسە کەیمن و تەنیا پەیمان وەپیمان دەن، و چەومان کەفنە سڵاکار بەڕێز جیگر سەرۆک وەزیرەیل و پەیمان دا دەنگمان بڕەسنێدە کاک قوباد تاڵەبانی ئەرا چارەکردن ئی گیچەڵە وەرد ئەنجومەن وەزیرەیل، وەلێ تا ئیسە جویر خوەی مەنیە.

دیاری کرد کە وەرجە دوو ساڵ وەرد بافڵ تاڵەبانی سەرۆک یەکێتی نیشتمانی کوردستان نیشتیە، و ئەویش فەرمان چارەکردن گیچەڵەگە داگە، وەلی هەر جویر خوەی مەنیە.

لەلای خوەییش، ستار حەسەن خاوەن دوکانە، ئەرا ئاژانس شەفەق نیوز وت: بەرزەوبوین کراگە ئەرا ئیمە کاریگ شیتانە بوی، و یەیش دادپەروەرانە نییە، و هاتی وە زیایەیگ وەگورەی 20٪ یا 50٪ یا 100٪ و کەمیگیش زیاتر رازی بویمن،  وەلێ نەگ بڕەسێدە 800٪ یە کاریگ ستەمە لەبان خوەمان و خیزانەیلمان 

 دیاری کرد کە زیان لە بەرزەوبوین باج گشت خزمەتگوزارییەیل حکومەتی دوینن، وتیش؛ جموجویل بازاڕیش وەرد ئی گرانکردنە نەگونجیاس.

ناڕەزایل داوا لە سەرۆک یەکێتی نیشتمانی کوردستان و جیگر سەرۆک حکومەت هەرێم کوردستان کردن دەسوەردان کوتوپڕ بکەن، و ئەو رینما ز بڕیارەیلە کە لەلییان دەرچن جیوەجی بکریەن، ئەرا چارەکردن ئی جویرە کێشەیلیگ کە نزیکەی ٢٠ هەزار هاوڵاتیی کەفتە زیان لەلی.