شەفەق نیوز/ دەزگای ئاسایش لە هەرێم کوردستان، ئمڕوو یەکشەممە، راگەیان تومەتبار کوشتن گەنجیگ وە ناو (ژیناڵ ئیبراهیم کەریم) لە قەزای رانییە دەسگیرکریا لە دویای کەمتر لە 24 ساعەت لە تاوانەگە.

دویەشەو یەکشەممە، 26 کانون دویەم 2025 گەنجیگ وەناو (ژیناڵ) کوشیا و سێ کەسیش زەخمداربوی لە ئەنجام مەرافیگ لەناوەین بڕیگ گەنج.

وەپای بەیاننامەیگ وەڕێوەبەرایەتی ئاسایش راپەرین دەریکرد و ئاژانس شەفەق نیوز دیەسێ،رویداوەگە لە کویچەی شەهیدان لە شار  رانییە رویدا لە ئەنجام مەرافیگ کە ئەوزەڵکردیە و رەسیە ئەرا کۆتایی هاتن وە ژیان (ژیناڵ ئیبراهیم کەریم ) لەداڵگبوی 2004 و سێ کەسیش زەخمداربوین.

وەپای بەیاننامەگە، تیمیگ لێکۆڵینەوە لە ئاسایش راپەرین دەسکردیە لێکۆڵینەوە لە رویداوەگە توەنستیە کەمترلە 24 ساعەت توومەتبار سەرەکی تاوانەگە وەناو  (م.م.أ) لە ئاوای زنگڵان سەر وە ناوچەی پشدەر دەسگیربکەێد، هنای تەقەلای واین وەرەو سنوور هەرێم دەێد.