شەفەق نیوز/ دەزگای ئاسایش نشتمانی عراقی، ئمڕوو جومعە، راگەیان رفیاییگ خەڵک سلێمانی، لە بەغدای پایتەخت ئازاد کریاز ئەنجامدەرەیلی دەسگیرکریان، لەماوەی کەمتر لە 24 ساعەت لە رفیانەگەی.

دەزگاگە لە بەیاننامیگ رەسیە ئاژانس شەفەق نیوز ئاشکەراکرد، " لەدویای ئەوەگ زانیاری هەواڵگێری هویردیگ رەسی لە کردەوەیگ رفانن هاوڵاتییگ و ماشینەگەی ک خەڵک پارێزگای سلێمانیە و وەرەو بەغدای پایتەخت دزیایە، ژووریگ ئۆپراسین هاوبەش لەمابەین وەرێەوبەرایەتی ئاسایش بەغدا و دیالە دروسکریا، لەدویای وەرگردن رەزامەنی دادگا مەفرەزەیل دەزگا ئەمنیەیل توەنستن رفیایەگە ئازادبکەن و بڕفنەیل دەسگیر بکەن هەنای تەقەلای واین دەن لە ری بەغدا-دیالە وە وەکار هاوردن شمارە ماشین ساختە.

وتیش، " بڕفنەیل دریانە دەس لایەن داواکار لە سلێمانی،".