شەفەق نیوزل دەزگای ئاسایس هەرێم کوردستان، ئمروو یەکشەممە، روونکردنەوە دەێد لەو ئاگرە کە لە ناوچەیگ کویەیی هیزگردییە، و  بویین گورز موشەکی رەدکەێد.

دەزگای ئاسایس لە بەیاننامەیگ رەسییە ئاژانس شەفەق نیوز راگەیان، ''ئاگرەگە لە ساعەت 2:10 دوای نیمەڕوو هیزگردییە، لە نزیک ئاوای هۆمەرقوم، هیزەیل ئاسایس رووی کردنەسە ناوچەگە وەرد تیمیگ لە وەرگریی شارستانیی وە ئامانج کۆنترۆلکردن ئاگرەگە''.

لە بەیاننامەگە وتیش؛ لە ساعەت2:35 دوای نیمەڕوو، ئاگرەگە درویژەو بویە ئەرا ناوچەی کویی سۆرین بویاسە مدوو تەقیان شمارەیگ وەجیماگەیل جەنگی (مین کوەنە)، وەبی ئەوەی هویچ زەخمداریگ بوود''.

دیارییکرد ''هیزەیلیان وە هەماهەنگی وەرد وەڕێوەبەرایەتی وەرگری شارستانی و گشت دەزگا ئەمنییەیل دەسکردنە وە لیکۆڵینەوە لە روداوەگە تەقەلای کۆنترۆلکردن تەواو ئاگرەگە دەن لە پێناو پاراستن ژینگەی ناوچەگە''.

دەزگاگە دلنیاییدا، وە هاوڵاتییەیل '' ئەو خەوەرە بڵاوبویەسەو لە باوەت گورز وشانن یا پەلامارداین ناوچەگە راس نییە'' دیارییکرد ''دەنگ تەقینەوەیل لە ئەنجام تەقیان مینەیل بوییە لەری ئاگرەگە''.