شەفەق نیوز/ بەسام عەلی وەرپرس لق ١٢ی پارت دیموکرات کوردستان لە پارێزگای هەڵەبجە، ئمڕووجمعە، وت: هاندەرەیلیگ سیاسی هانە پشت ئامانجکردن بینای لقەگە.
عەلی لە کۆنگرەیگ رۆژنامەوانی ئمڕوو وت: هیچ گرفتیگ کەسایەتی یا حزبی وەگەرد هیچ لایەنیگ نەیریمن، ئەراوە تەقەکردنەگە لەبان بینای لقەگە هاندەرەیلیگ سیاسی هانە پشتی، و بایەدە نوای ئیجوور رووادەوەیلیگ بگریەێد.
و راگەیان تۆمارکردن ساکاڵایگ یاسایی لەو رووداوە، و وتیش؛ چەوەڕی ئەنجامەیل لێکولینەوەگە لەلایەن هێزە ئەمنیەکان کەیمن.
و باس لە خەفەت خوەی کرد ک تەقەکردن لەبان بارەگایل پارت دیموکرات کوردستان لە سنوور ئی ناوچە دیرێد بوودە سیمایگ، و داوا لە دەسەڵاتە ئەمنیەکان کرد سنووریگ ئەرا ئی کارە دانەن، وە دەسگیرکردن توومەتبارەیل، و وتیش؛ ئەگەر هێزە ئەمنیەکان وەڕاسی کار بکەن خو پەیاکردن تاوانبارەیل کار سەختیگ نییە، و وەرجەیە رووادەوەیلیگ تر بوی، و شناسنامەی تاوانکارەیل لە ماوەی چەن ساعەتیگ دیاری کریا.