شەفەق نیوز/ محمود محمد قسەکەر فەرمی پارت دیموکرات کوردستان، ئمڕوو یەکشەممە، راگەیان ک ئەو رووداوەیل دویاییە ک سلێمانی وەخوەی دی، ژاوەژاو و نائارامی لە پارێزگاگە دروس کرد، و بویە جی نیگەرانی خەڵکەگە.

محمد لە بەیاننامەیگ رەسیە ئاژانس شەفەق نیوز وت: رووداوەیل دویایین لەی رووژەیل گوزەیشتە لە پارێزگای سلێمانی، بویە هووکار ژاوەژاو ونائارامی، و نیگەرانی لەلای خەڵک سلێمانی و ناوچەگە وەگشتی.

وتیش؛ ئیمە لە پارت دیموکرات کوردستان راگەینێمن ک ئی باوەتە پەیوەندی وە ناوخۆیی برایلمان لە یەکێتی نیشتمانی کوردستان دیرێد، و ئومێد خوازیمن چارەسەرییگ لە بەرژەوەندی هاووڵاتییەیل و ئارامی هەرێم کوردستان وە گشتی بوود، و ناوچەی سلێمانی وەتایبەت، وەو شیوە ک نیگەرانی و رخ لەلای گەل خوەشەویسمان هەڵگریمن.

قسەیلیگ هەس باس ململانەیگ لەناو یەکێتی نیشتمانی کوردستان کەێد ک رەسیەسە نوقڵانە وە رویوەڕوبین سەربازی لەناوبەین هەردوگ هاوسەرۆک حزبەگە، پاڤڵ تاڵەبانی و لاهوور ئاموزای.