شەفەق نیوز/ پارت دیموکرات کوردستان، ئمڕوو سێشەممە، داوا لە گشت لایەنەیل عراق کرد هەڵمەتەگەی نێچیروان بارزانی سەرۆک هەرێم کوردستان ئەرا گفتوگۆ لە هەولێر وەخاتر دەرچگن لەی قەیرانە لە کار سیاسی عراق جیوەجی بکەن.
ئەویش لە وتار فازڵ میرانی سکرتێر نویسینگەی حزبەگە هات ک ئاژانس شەفەق نیوز نووڕیەی، ک داوای جیوەجیکردن هەڵمەتەگەی بارزانی کرد و ئامادەبووین ئەرا هەولێر، " هەولێر شاریگە مەزاجی و ئەجندای دەشتەکی لەناوی زاڵ نییە، ودووپات کرد ک ئەو گەل و کەسەیلە ک چەوەڕی بڵویزەی رووشنایی کەن نەگ تاریکی، ئەو گەلەیلە ک ژیانیگ خوەش و وەتامیگ ئەرا خوەیان وخیزانیان خوازن، نەگ ژیانیگ پڕ لە خەفەت و سەرچەمیان و رخ و ترس و ئاژاوە.
میرانی وتیش: برا و هاوبەشەیلمان شایەت ئەو هەمکەی قەیرانەیلە و هووکار وئەنجامیان باێدە هویریان ک گشتی وەڕاسی دویر لە بەرژەوەنی تاک و کۆمەڵگا وکۆمەڵگای عراق بوی، باوجی قەوارەی قەیران دویایین ئارامی وسەبر خوازێد و وازهاوردن و دانوسەنین تا ئەوە ناێدە جی ک لەلی ترسیمن، و گوڵپەی وتارە ئاگرینەیل ناێدە بان و یەکیگ لە هەڵوێستەیل نەتەقێد، و ئاگرەگە هشک و تەڕ وەیەکەو نەسزنێد.
میرانی دیاری کرد ک یە شیوەی عراق نییە و عراق شایستەی ئەوە نییە ک وەی شیوەی ناشرینە وەناوبانگ بوود، و بوودە مانشێتیگ سەرەکی ئەرا خەوەرەیل، وە سیمایل چەکداری و هەڕەشەی هابەشەیل و دروسکردن رەوشەیل نەخوازیاگ وە ئامانج پووشین ئەو رویداوەیلە ک شیوەگە بوەێدە رییگ هویر ئەرای نەکریاگە، ک وەی نزیکە دەرفەت چارەی نزیکیگ ئەرا گرفتەیل و قورتاربوین لە کارەساتەیل سەختەو بوود لە ئەنجامەیلی ئەگەر تفەنگەیل لە گوولە چووڵ نەکریەن.
میرانی وتیش: نێچیروان بارزانی سەرۆک هەرێم کوردستان برادەریگ کۆنە لە مەیدانەیل خەبات و رەنجداین، کار وەرد گشتی ئەرا ساڵەیل درویژیگ پڕ لە شانازی و قوربانیدان راسی، و زوور لەبان ئەو بانگوازە هاورد ک بارزانی ئاڕاستەی کرد، بانگوازیگ عراقی کورد نیشتمانیە، و ئەو کەسەیلە ک خەبات و رەنج ئەرا عراقیگ خاستر عراقیگ بی دیکتاتۆری و مەسەبگەری و نەتەوەگەری خوازێد وەبی گلەوخواردن و خوین رشانن هەس وەخاستر وەپی کەن.