شەفەق نیوز/ فراکسیۆن پارت دیموکرات کوردستان، رووژ پەنجشەممە، وەرپرسایەتی لە وەردەوامبوین ناکۆکیەگان و بڕیارنەیان یاسای دادگای فیدڕاڵی خستە بان گەردن هێزە سیاسیەگان.

دیار بەرواری نۆینەر لە فراکسیۆنەگە ئەرا ئاژانس شەفەق نیوز وت: هیمان ناکۆکی وگرفتە سیاسیەگان وەردەوامن لەبان یاسای دادگاکە هەرچەن فرە لە خاڵەیل ناکۆکی یەکلاوە کریانە لە زەمینەسازی ئەرا ئەنجومەن نوێنەرەیل تا دەنگ بیەنە یاساگە.

بەرواری وتیش: هێزە سیاسیەگان وەرپرسایەتی وەردەوامبوین ناکۆکیە سیاسیەگان  لەبان یاسای دادگای فیدڕاڵی هەڵگرن و بڕیارنەیان یاساگە، وئاماژە کرد ک زاقترین خاڵەیل ناکۆکیەگان پەیوەندی وە ژمارەی ئەندامەیل دادگای فیدڕاڵی دیرێد، و ئەو لایەنەگ کاندیدیان کردگە، ومیکانزم دەنگدان لەبان بڕیارەگان وماوەی ئەندامانەیەتی لەدادگاگە 

بەرواری دیاریکرد ک یاسای دادگاکە پەیوەندی ڕاستەوخۆ  وە یاسای هەڵبژاردن دیرێد، و بایەدە یاساگە جیگربوود لەلایەن ئەنجومەن نوێنەرەیل لە زەمینەسازی ئەرا هەڵبژاردنەگە.