شەفەق نیوز/ دڵشاد شەهاب، ئاندام شاند دانوسەنین لە پارتی، ئمڕوو چوارشەممە، راگەیان کە ئەوەسا حزبەگە ئمڕوو سەردان سلێمانی کەێد، ئەرا دەسکردن وە دانوسەنین سیاسی ئەرا دروسکردن حکومەت نوو لە هەرێم کوردستان.
لە قسەیلی ئەرا رووژنامەنویسەیل وت: لە ئمڕووەە دەسوە دانوسەنین ناوەین لایەنەیل سیاسی کریەێد لەبان دروسکردن کابینەی حکومەتی دەهەم، و تەقەلا دەیمن بڕەسیمنە هەماهەنگییگ کە بەرژەوەنی هەرێم وەجی بارێد، و ئارامی کاروبار سیاسی مسۆگەر بکەێد.
وتیش: دەرەیل پارتی ئەرا گشت لایەنەیل سیاسی وازە، و هەیچ مەرجەیلیگ وەرجەوەختە نەیریمن، هەرێم کوردستان گامیگ گرنگ و وەرپرسایەتیی گەورە هالە نوای، کە دەنگدەرەیل دویای دەنگدان دانانەی.
وەرجەیە، نێچیروان بارزانی سەرۆک هەرێم کوردستان، فەرمانیگ هەرێمی دەرکرد کە داوا لەو حزبەیل سیاسیە کرد کە لە هەڵوژاردن پەرلەمان سەرکەفتنە، دانیشتن یەکەم پەرلەمان لە دوو کانوون یەکەم ئایندە ئەنجام بیەن.