شەفەق نیوز/  سەرچەوەیگ لە شار سلێمانی، ئمڕوو سێشەممە، خەوەردا لە مردن ژنیگ 41 ساڵان لە وەخت نەشتەرگەری لاوردن چەوری کە لە یەکیگ لە خەسخانە تایوەتەیل ئەنجام دریاس، دووپاتکد ئەو پزیشکە نەشتەرگەریەگە ئەنجامدایە دەسگیرکریا وە مدوو ئەو رویداوە کە دەنگدانەوەی گەپیگ وە شوین خوەی هاورد.

 محەمەد دڵشاد یەکیگە لە کەسوکارەیل قوربانیەگە لە بەیانیگ ئەرا ئاژانس شەفەق نیوز وت، ئەو ژنە دویەشەو لە یەکیگ لە خەستەخانەیل تایوەت لە شار سلێمانی نەشتەرگەری لاوردن چەوری ئەنجامدایە باوجی گیان لەدەسدا لەدویای تێکچگن لەناوکاو بارودۆخ تەندروسی.

ئاشکرایکرد نەخەوەشەگە زیاتر لە شەش ساعەت لە وتاقق نەشتەرگەری مەنیە، لەدویای نیم ساعەت بارودۆخ تەندروسی جیگیربویە، باوجی لەناوکاو تێکچگە هەرچەنە تیمەیل پزیشکی  بوژانەوە تەقەلادانە فریاکەفتنەیل پێویست ئەنجامدانە، باوجی گیان لەدەسدا.

دڵشاد دیاریکرد، ئەو ژنە شوی کردیە و خاوەن دوو مناڵە تەرمەگەی ئەرا پزیشک دادوەری سلێمانی کلکریاس.