شەفەق نیوز/ سەرۆک حکومەت ناوخویی لە پارێزگای هەولێر ئومێد خۆشناو، ئمڕوو چوارشەممە، دووپاتکرد، ئەو وارانە ک وە لایەن دەسەی کەشناسی و زەویلەرزەی عراق و هەرێم مەزەنەکریا دەسکردە وارین، تا ئیوارەی پەنجشەممە وەردەوامە.
خۆشناو لە کۆنگرەیگ رووژنامەوانی وت، لەماوەی ساڵ پارەکە، شمارەیگ ری چارەسەری ئەنجامدریا ئەرا نواگیریکردن لە لافاو، و تا ئیسە واران وارین وە رفتی وەردەوامە و هویچ رویداویگ نەخوازریاگ لە هویچ شوینیگ روینەدایە.
وتیش، تیمەیل حکومەت و خزمەتگوزاری و هێزەیل پێشمەرگە و دەزگا ئەمنیەیل گشتیان لە حالەت ئامادەباشیمن، دووپاتکرد تا ئیسە دەوام فەرمی نەکریاس وە هچان لە پارێزگاگە یان لەبان ئاست هەرێم کوردستان هەر وەخت پێویست بوی پەک دەوام خەیمن.