شەفەق نیوز/ شەوەکی ئمڕوو پەنجشەممە، وەفدیگ لە حکومەت هەرێم کوردستان رەسیە فرۆکەخانەی میهرئاباد لە تەهران پایتەخت ئیران، وە سەرۆکایەتی پارێزگار هەولێر ئومێد خۆشناو.

شاندەگە پێکهاتوین لە پارێزگار دهۆک عەلی تەتەر، و پارێزگار سلێمانی هەفاڵ ئەبوبەکر، و پارێزگار هەڵەبجە نوخشە ناسیح و وەرپرس پەیوەنیەیل ناوەین هەرێم و ئیران شاکر حسێن و وەرد سەرۆکەیل ژوور بازرگانی و پیشەسازی هەولێر و دهۆک و وەرپرس دەسەی کۆمەڵایەتی و پەیمانەیل ناودەوڵەتی لە حاجی عومران.

بڕیارە شاندەگە زنجیرە دیداریگ و گردەوبوینیگ ئمڕوو ئەنجام بیەن وەرد پارێزگارەیل پارێزگای کوردستان و ئازەربایجان خوەرئاوا و کرمانشان و  دیداریگ فەرمی  وەگەرد سەرۆک ئیران مەسعود پزشکیان، و گردەوبوین وەرد پارێزگار تەهران و وتاقبازرگانی لە پایتەخت ئیران.