لە کۆنگرەیگ رۆژنامەوانی ئمڕوو ئازانس شەفەق نیوز چەودیریی کرد وت: هەر گردەوبوینیگ و لە ژیر هەر ناونشانیگ بوود قەیەغەس، و ئەوەسا ریکارە یاساییەکان دژوە پێشێلکارەیل بەیمن.

وتیش؛ گشت شوونەگان لە ساعەت نۆی ئیوارە تا ساعەت شەش شەوەکی بەسیەن، بیجگە خەسەخانە و دەرماخانە و عەیادە پزشکیەکان ک کارەگەیان هالای وەزارت تەندروسی و خوەی لە باوەتیان بڕیار دەێد.

تەتەر وتیش؛ رووژەیل پەنجشەممە و جمعە و شەممە رووژەیل پشۆی دەوامە، و ئەوە نییە روی وەرەو شوونەیل سەیران و گەشتوگوزاری و پەیوەندی لەناونی خیزانەیل بکریەێد، و جەخت کرد ک لە گشتی خوازیمن پابەند بوون و نەوونە هووکار کوشتن مەردم یا تووشهاتنیان وە ڤایڕۆسەگە.

هەمیش وت: چشتیگ وەناو گەشتوگوزاری لە دهۆک نییە، چ لە ناو هەرێم یا لە دەیشتی، و قەیەغەی گواستنە لەناونی ئەو پارێزگایل عراق سێ رووژ لە هەفتەگە کریا.

و نوقڵانە دا ک وەکارهاوردن دەمامەک بویە ناچاری، و نێخوازیمن کەسیگ وەبی دەمامەک بوینیمن، و هەرکەس لە هەر شوونیگ بوینیمن وەکاری نەهاوردگە خوەی خەێدە وەر بایی ٢٠ هەزار دینار باج دارایی.