شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، چەوەی کەفتە ڕەجەب تەییب ئەردۆگان سەرۆک تورکیا، لە ئەنقەرەی پایتەخت.

سەرۆکایەتی هەرێم کوردستان لە بەیاننامەیگ وت: هەردوگ لایەن دووپات لەبان گرنگی پەیوەندییەیل تورکیا وەگەرد عراق و هەرێم کوردستان کردن، وەتایبەت لە چین ئابووری.

بارزانی و ئەردۆگان لەناو دیدارەگە باس چوینیەتی بەرزکردن ئاست گواستنەوەی بازرگانی و دەرفەتەیل کار و بەرهەمهاوردن تورکی لە عراق و هەرێم کوردستان کردن.

سەرۆک تورکیا، دووارە هاوکاری وەردەوام وڵاتەگەی وەگەرد عراق و هەرێم کوردستان نووەو کرد، و ئامادەیی و ئارەزوو کەرت تایبەت لە وڵاتەگەی نشان دا ئەرا کارکردن و بەرهەمهاوردن لە گشت چینەیل.

لە تەوەریگ ترەک لە دیدارەگە، هەردوگ لایەن باس نیگەرانییان وەرانەور رەوش ئاڵووز لە خوەرهەڵات ناوڕاس کردن و رخداری و ئەنجامەیل لەبان ناوچەگە، و هاوڕا بوین لەبان گرنگی ئەوە کە گشتی کار بکەێد ئەرا نەهیشتن فراوانبوین جەنگ وەشیوەیگ زیاتر، و چارەکردن ئاشتەوایی.

پەیوەندییەیل ناوەین هەولێر و بەغدا و پڕۆژەی ری گەشەپیدان و پەیوەندییەیل عراق و هەرێم کوردستان و هەڕەشەیل وەبان ناوچەگە و دژایەغی داعش باوەتەیل ناو ئەو دیدارە بوین.