شەفەق نیوز/ دەزگای گشتی کاروبار مین سەر وە هەرێم کوردستان، ئمڕوو چوارشەممە، راگەیان لەماوەی مانگ گوزەشتە 116 هەزار و 573 مەتر چوارگوشە لە زەوی مینرێژکریاگ پاکەوکریاگە و دریاسە دەس خاوەنەیلیان.

 دەزگاگە ئامار مانگ ئۆکتۆبەر 2022 بڵاوکرد و ئاژانس شەفەق نیوز چەوی وەپی کەفتیە، " بڕ گشتی ئەو رووبەرە ک پاکەوکریاگە وە دەس و میکانیکی لە مانگ ئۆکتۆبەر رەسیە 116 هەزار و 573 مەتر چوارگووشە.

وەپای ئامارەگە، پەنج کێلگەی مین دریاسەو دەس خاوڵنەیلیان لە ئی مانگە دویای  پاکەوکردنیان لە مین و مەترسییەیل تەقینەوە و هاتێ ئێرنگە وەکارباریەن ئەرا پرۆژەیل خزمەتگوزاری و گەشتوگوزار و بەرهەمهاوردن.

دەزگا کوردیەگە زیاتر لە 116 مین دژە مرۆڤ وتانک لەناودایە ک لەناو ئەو کێلگە مینەیلە بوینە ک لەماوەی ئی مانگە پاکەو کریان.

وەپای ئامار دەزگای مین؛ زیاتر لە 13,500 کەس لە هەرێم کوردستان کوشیانە، ک لەناویان 36 کەسیان کراکار مین پاکەوکردن بویە، دووپاتکرد لەهەمان وەخت 776 کم چوارگوشە لە زەوی مینرێژکریاگ هەس لە کوردستان.