شەفەق نیوز ـ دهۆک
وەڕێوەبەرایەتی گشتی کاروبار مین لە دهۆک، ئمڕوو دووشەممە، پەیاکردن شمارەیگ گولە توپ جەنگی لە ئاوای باسی سەر وە ناحیەی بامرنێ باکوور پارێزگاگە راگەیان.
وەپرس راگەیانن وەڕێوەبەرایەتیەگە رێگر بێسفکی وە ئاژانس شەفەق نیوز وت: وەڕێوەبەرایەتیەگە خەوەردا لە باوات هەبوین شمارەیگ گولە توپ جەنگی لە ئاوایەگە دەسوەجی تیمیگ لاوردن تەقەمەنی "EOD" رەسینەس شوینەگە و رێکار هەوەجەکریاگ وەرگردنە.
وتیش؛ گولە توپەیل کە پەیاکریانە 47 گولە توپ عەیار 100 ملم، وتیش تیمیگ تایوەت هەڵسیاس وە گواستنەوەی ئەرا شوین تایوەت تا ئامادەبکرێد ئەرا کارەیل لەناوبردن.