شەفەق نیوز ـ هەولێر
حکومەت هەرێم کوردستان، ئمڕوو دووشەممە، گلەوداین 33 گەنج کورد راگەیان کە لە ناو زەوی لیبیا دەسگیرکریابوین مەوقەی تەقەلای کوچکردن ئەرا ئەوروپا.
حکومەت لە بەیاننامەیگ رەسیە ئاژانس شەفەق نیوز راگەیان، ئەو گەنجەیلە لەبان زەوی لیبا دیارنەمەنەە، باوجی فەرمانگەی پەیوەنی دەیشت لە حکومەت هەرێم وە هەماهەنگی وەرد بالیۆزخانەی کۆمار عراق لە لیبیا توەنست پەیایان بکەێد ئەرا کوردستان گلیان بدەێد لەدویای تەواوکردن رێکارەیل وەجیهیشتن خاک لیبیا.
دیاریکرد، ئەو گەنجەیلە دەسگیرکریابوین بڕیگیان زیاتر لە مانگیگ لەناو زیندانەیل لیبیا بوین، و بارودۆخ فرە بەدیگ داشتن کە رخداری وەبان ژیانیان دروسکردیە.
گەنجە کوردەیل رەسینەس فرۆکەخانەی ناودەوڵەتی هەولێر، تیمیگ پزیشکی پیشوازیان کردن وشکنینەیل هەوەجەکریاگ ئەرایان کردنەس، گشت ئامادەکاریگ پیشوەختکریابوی ئەرا گلەوداینیان وە هەرێم.
وەگەرد گلەوداین 33 گەنجەگە، شمارەی ئەو گەنجەیل نایاساییەیلە کە لە لیبیاوە ئەرا هەرێم کوردستان گلەودریانە رەسیە ئەرا 335 کەس.