شەفەق نیوز/ لە وەخت زوییگ لە شەوەکی ئمڕوو جمعە، ئاگریگ لە کویەی گوێژە هەڵسیا لە نزیک سلێمانی لە هەرێم کوردستان، ورووبەر فراوانیگ لە کویەگە سزان، وهەمیش پارێزگار سلێمانی هووشداریدا لە رەسانن ئاگرەگە وەرەو کومەڵگەی دانیشتوی گوێژە.
دیار رەئوف وەڕێوبەر وەرگری مەدەنی لە سلێمانی، ئەرا ئاژانس شەفەق نیوز وت: تا ئیسە هووکار ئاگرەگە نێزانیمن، ئیسە تەقەلای کپەوکردنی دەیمن.
لەلای خوەییش هەڤاڵ ئەبوبەکر پارێزگار سلیمانی ک لە شوون رووداوەگە بوی، ئەرا ئاژانس شەفەق نیوز وت: تیمەیل وەرگری مەدەنی وە رەنجەیل گەورایگ ئەرا کپەوکردن ئاگرەگە کارکردن، ولەوەر تونی هەواگە کەفتیمنە وەر سەختی، وئاگرەگە فراوانەو بویاد و مەترسییگ لەبان کومەڵگەی دانیشتوی گوێژە داشت ک نزیکە لە کویەگان، تا چووڵی کردیمن.
وتیش؛ وەداخەو ک ئەوانەیگ سەردان کویەگان کەن هەست وە وەرپرسایەتی نێەکن، وئی رووداوە گشت ساڵیگ نووەو بوود، وئومید خوازیمن هەست وە وەرپرسایەتی بکەن، ومقەیەتیی ژینگە بوون، ئەرا دووارە نەوین رووداوەیل ئاگرسەنین.