شەفەق نیوز/ ئاگر گەورەیگ لەناو یەکیگ لە چادرەیل هەڕەمەکی ئاوارەیل لە کەمپ خانکی باشوور پارێزگای دهۆک، ئمڕوو سێشەممە، بویە هوکار زەخمداری ژنیگ وەگەرد چوار مناڵی.

دەخیل سنجار خاوەن چادرەگە، ئەرا ئاژانس شەفەق نیوز وت: ئاگرەگە نزیک ساعەت سێەی شەفەق هیز گرد، کە ژنەگەی و چوار مناڵەیل لەناوی زەخمدار بوین، و توەنست سێ مناڵ ترەک رزگار بکەێد، کە زەخمدارەیل ئەرا خەسەخانەی سزیان لە دهۆک بریان.

سنجار وتیش: چادرەگە وەتەواوی سزیا، و گشت ناوماڵەیان وەگەردی فەوتیانڕ وەگەرد گشت بەڵگەیل فەرمییانر و دیاری کرد کە شۆرتیگ کارەبا بویەسە مدوو بڵویزەی ئاگرەگە.

سنجار لە لایەنەیل پەیوەندیدار و ریخریاگەیل مرۆیی لاڵگیا تا زویوەزوی بانە دەسوەردان و دەسمیەتیی بکەن ئەرا وەپشتسەرنان ئی نەهامەتیە، وەتایبەت لەسای ئەو رەوشەیل سەختە بالای خیزانە ئاوارەیل لەناو کەمپەیل هەڕەمەکی.