شەفەق نیوز/ وەرپرسیگ خۆجێیی لە قەزای عمادیە لە پارێزگای دهۆک، ئمڕوو سێشەممە، خەوەردا ک ئاگر گەورەیگ لە بووسانەبل باکوور پارێزگاگە لەوەر بمباران فڕۆکەیل تورکیا هەڵسا.

ئەلەند ئەمیر وەڕێۆبەر ناحیەی جمانکی ئەرا ئاژانس شەفەق نیوز وت: فڕۆکەیل تورکیا ئمڕوو بمباران دەورگرد ئاوای هیزانکی لە باکوور ناحیەگە کردن، و دیاری کرد ک بمبارانەگە دەور ٥جج مەتر نزیک ماڵەیل ئاوایەگە بوی، و بویە هووکار ئاگرەیل گەورەیگ لە بووسانەیلیان ک تا ئیسە هیمان بڵویزەی تیەێد.

وەڕێۆبەر ناحیەگە وتیش؛ زیاتر لە ٢٥ خیزان مەسیحی لە ئاوای خیزانکی جیگرە، وتیش؛ ژمارەی فرەیگ لە کامپەیل سەربازی پەکەکە لەی ناوچە هەس.