قاسم پور له‌ى باوه‌ته‌و وت: ساڵانه‌ فيشتر له‌ 500 هه‌زار گه‌شتيار بيگانه‌ له‌رى ده‌روازه‌ى ناوده‌وڵه‌تى مهرانه‌و گوزه‌ر ئه‌كه‌ن ك هه‌ر بايه‌سه‌ سه‌ردان پاريزگاى ئيلاميش بكه‌ن وه‌خاتر ئاشنابوين له‌ شوونه‌واره‌يل مێژوويه‌گه‌ى و سروشته‌ جوانه‌گه‌ى.

قاسم پور باس له‌وه‌يش كرد ك زوورم ئى گه‌شتياره‌يله‌ له‌ عراق و ئاسياى ناوڕاسه‌و ئه‌يه‌ن و له‌وانه‌يش تاجاكستان و ئازه‌ربايجان و ئه‌فغانستان و پاكستان و هند و زوورميانيش له‌ ئيلامه‌و گوزه‌ر ئه‌كه‌ن وه‌ره‌و شاره‌يل قم و مه‌شهه‌د و ته‌هران و پاريزگايه‌يل باكوور ئيران، وه‌لى له‌ هه‌مان وه‌خت قاسم پور گله‌يى ئه‌وه‌يش ئه‌كا ك ئى گه‌شتياره‌يله‌ سه‌ردان شوونه‌يل مێژوويى و سروشته‌يل جوان شار ئيلام ناكه‌ن.